Қозоғистонда барча бандлик хизматлари электрон форматга ўтказилади

NUR-SULTAN. Kazinform – Барча давлат бандлик хизматлари электрон форматга ўтказилиши керак. Бундай кўрсатмани ҚР Бош вазири Алихан Смаилов Ҳукумат йиғилишида берди, деб хабар беради Kazinform мухбири.

«Ижтимоий ва меҳнат соҳасини рақамлаштиришни кучайтириш бўйича мен қуйидаги вазифаларни қўйдим. Биринчидан. Меҳнат вазирлиги, ҳокимликлар ва «Атамекен» тадбиркорлар палатаси билан биргаликда йил охиригача бандликка кўмаклашиш бўйича барча чора-тадбирларни электрон форматга ўтказади. Иш қидираётганларнинг камида 40 фоизи онлайн хизмат кўрсатиши керак. Иккинчидан. Рақамли ривожланиш вазирлиги Меҳнат вазирлиги билан биргаликда 25 мартгача «Рақамли оила картаси» лойиҳасини амалга ошириш бўйича ишларни якунлайди», - деди Алихан Смаилов.

Шунингдек, Бош вазир Меҳнат ва аҳолини ижтимоий ҳимоя қилиш вазирлигига Соғлиқни сақлаш вазирлиги, ҳокимликлар билан биргаликда 1 июнга қадар ногиронликни ташқи аниқлаш лойиҳасини тиббий ахборот тизимларига улаш бўйича топшириқ берди.

«Шунингдек, давлат хизматининг ушбу турини сиртдан олувчи шахслар улушини камида 20 фоизга ошириш зарур», - деб кўрсатма берди Алихан Смаилов.

Мазкур масалаларнинг ижросини назорат қилиш Бош вазир ўринбосари Ерали Тоғжанов зиммасига юклатилди.

Муаллиф: Серик Сабеков