Қозоғистонда автомобилларни мажбурий суғурта қилиш тарифлари ўзгаради
Бу ўзгартиришлар «Қозоғистон Республикасининг айрим қонун ҳужжатларига суғурта ва қимматли қоғозлар бозорини тартибга солиш ҳамда ривожлантириш масалалари бўйича ўзгартириш ва қўшимчалар киритиш тўғрисида»ги қонунга киритилган.
«Қонунда мослашувчан тариф тизимига ўтиш кўзда тутилган, яъни тарифлар ҳар йили Қозоғистон вилоятларининг ҳақиқий харажатларини ҳисобга олган ҳолда янгиланади. Нархлари паст бўлган ҳудудларда тарифлар пастроқ бўлади, юқори харажатлари бўлган ҳудудларда эса улар ўша даражада қолади ёки ошириш учун қайта кўриб чиқилади. Мослашувчан нарх механизми ҳар йили ҳайдовчиларнинг ҳайдовчилик маълумотлари асосида чегирмалар ва устамалар тизимини ўзгартиради», - деди Қозоғистон Республикаси Молия бозорини ривожлантириш ва тартибга солиш агентлиги раиси ўринбосари Мария Хожиева Марказий коммуникациялар хизматида бўлиб ўтган матбуот анжуманида.
Унинг сўзларига кўра, амалдаги суғурта тарифлари қонун билан 2007 йилда ўрнатилган бўлиб, ўшандан бери янгиланмаган. Ҳайдовчиларнинг фуқаролик жавобгарлигини мажбурий суғурта қилиш бўйича жорий харажатлар таҳлили шуни кўрсатдики, турли ҳудудлардаги бахтсиз ҳодисалар бир-биридан сезиларли даражада фарқ қилади.
Муаллиф: Айжан Серикжанқизи