Қозоғистонда автомобиллар учун сотиб олинадиган давлат рақамлари рўйхати кенгайтирилади

NUR-SULTAN. Kazinform – ҚР Рақамли ривожланиш, инновациялар ва аерокосмик саноат вазири Бағдат Мусин давлат хизматларини такомиллаштириш бўйича изоҳ берди, деб хабар беради Kazinform мухбири.

«Ҳозирги вақтда давлат хизматларининг 90 фоизи электрон шаклда мавжуд. Шу билан бирга 690 та давлат хизматининг 624 таси қамраб олинди. Бу борада кўрсатилаётган электрон хизматлар сифатига эътибор қаратилмоқда. Яъни, нега одамлар ушбу хизматларни электрон шаклда олмасдан туриб, мижозларга хизмат кўрсатиш марказларига мурожаат қилишади? Биз бу масалаларнинг барчасини ўрганамиз ва электрон онлайн хизматлар сифатини яхшилашга эътибор қаратамиз «, - деди Б. Мусин Мажилисдаги Ҳукумат соатида.

Вазир давлат хизматларини олишнинг бир неча йўллари борлигини эслатиб ўтди, уларни еGov, АХКМ, вазирлик ва ҳокимликлар хизматлари орқали олиш мумкин. Бундан ташқари, тегишли аризалар орқали давлат хизматлари кўрсатилмоқда.

Шунингдек, у машинани қайта рўйхатдан ўтказиш бўйича олиб борилаётган ишлар ҳақида гапирди.

«Бу борада Ички ишлар вазирлиги билан биргаликда талаб юқори бўлган рақамларни кўпайтириш бўйича ишлар амалга оширилди. Бу йўналишдаги қадамларни қонунийлаштириш керак эди. Шу боис, депутатларнинг тегишли қўллаб-қувватлашига муҳтожмиз, чунки мамлакатда турли хил давлат рақамларига талаб катта. Масалан, бюджетга ўтказиладиган ва сотиб олинадиган рақамлар (777) мавжуд. Бироқ, тартибга солиш чораларига тааллуқли эмас давлат рақамлари ҳам бор ва биз уларни сотиб олишни қонунийлаштирмоқчимиз «, - деди у.

Муаллиф: Руслан Ғаббасов