Валюталар курси:
    usd/kzt 431.07 eur/kzt 485.51

    rub/kzt 5.69 cny/kzt 67.47
Об-ҳаво маълумотлари:
Нур-Султон : 3 °С
Алматы: 8 °С

Қозоғистонда ҳарбийлар кенг қамровли дезинфекция ишларини бошлади

19 Июль 12:37

NUR-SULTAN. Kazinform – Қозоғистон Қуролли Кучлари гарнизонларни маҳаллий ижро этувчи ҳокимият ва фавқулодда хизматларга дезинфекция қилишда ёрдам кўрсатмоқда, дея хабар беради Kazinform Мудофаа вазирлиги матбуот хизматига таяниб.

Ҳозирги вақтда Ақмола, Ақтау, Атирау, Қизилўрда, Тараз ва Чимкент гарнизонларида дезинфекция ишлари олиб борилмоқда.

Аҳоли пунктларини дезинфекция қилиш билан шуғулланадиган гуруҳ махсус ускуналар, АРС-14 ёқилғи қуйиш станциялари, қайта ишлаш тўпламлари ва дезинфекциялаш воситалари билан жиҳозланган.

Ўтган ҳафта умумий майдони 751 минг квадрат метрдан ортиқ бўлган 450 дан ортиқ ижтимоий объектлар ва бошқа объектлар дезинфекция қилинди.

Ҳокимликларнинг илтимосига биноан, 18 июль куни Ақтау, Атирау ва Нур-Султанда дезинфексия ишлари олиб борилди. Жамоат жойларига алоҳида эътибор қаратилади.

Дезинфекция жараёни 25 июльгача давом этиши режалаштирилган, аммо керак бўлганда узайтирилиши мумкин.
Новости по теме
Ўхшаш янгиликлар