Қозоғистонда алоқа станцияларини ўрнатиш қоидалари қайта кўриб чиқилади

NUR-SULTAN. Kazinform – Қозоғистонда радиофобиядан азият чекувчилар эҳтиёжларини ҳисобга олган ҳолда, таянч алоқа станцияларини ўрнатиш қоидаларини қайта кўриб чиқиш режалаштирилмоқда. Бу ҳақда ҚР Парламенти Мажилиси депутати Екатерина Смишляева маълум қилди, дея хабар беради Kazinform.

«Биз ташаббус кўрсатаётган янги қонун лойиҳаси базавий алоқа станцияларини ўрнатиш қоидалари билан боғлиқ бўлади. Таянч станцияларни ўрнатиш бўйича жамиятда ягона фикр ва аниқ позиция йўқ. Шунинг учун биз бу нормани жамоатчилик фаоллари билан муҳокама қилиб, жамоатчиликка тушунтирамиз. Бу ерда муаммо радиофобиядан азият чекувчи фуқаролар билан бевосита боғлиқ. Биз ҳаммамиз алоқа хизматидан фойдаланамиз, шунинг учун муаммони кераксиз шов-шув ва тортишувларга олиб келмаслик керак», - деди Екатерина Смишляева.

Оммабоп фикрга кўра, радиофобия бугунги кунда бутун дунё бўйлаб тарқалган муаммодир.

«Ҳа, радиофобия ҳақида турлича фикрлар мавжуд. Унинг таянч станциясидан катта зарар борлигини айтадиганлар ҳам бор. Бироқ, электр станциясининг зараридан кўра, биз фойдаланадиган электрон қурилмалар келтирган зарар бир неча баравар кўп эканлигини исботловчи илмий далиллар бор», - дейди депутат.