Қозоғистонда аҳолининг рақамли саводхонлик даражаси 87 фоиз етди
18 Август 13:41

Қозоғистонда аҳолининг рақамли саводхонлик даражаси 87 фоиз етди

NUR-SULTAN. Kazinform – 2022 йил 1 июл ҳолатига барча турдаги бадаллар бўйича Ягона жамғариб бориладиган пенсия жамғармасидаги шахсий пенсия ҳисобварақлари сони 11,9 миллион донани ташкил этди, бу ўтган йилнинг шу даврига нисбатан 2,7 фоизга кўпдир. Сўнгги йилларда Қозоғистон Республикаси пенсия жамғармасига омонатчилар сони барқарор ўсиб бормоқда. Қозоғистонликлар онлайн хизматлардан фаол фойдаланмоқда, деб ёзади Kazinform Ranking.kzга таяниб.

Кўпгина ҳисобварақлар мажбурий пенсия бадаллари бўйича очилган: 10,9 миллион дона. Мажбурий касбий пенсия бадаллари ҳисобидан шакллантирилган ҳисобварақлар сони йил давомида қарийб 9 фоизга ошиб, 573,8 минг бирликни ташкил этди.

Иштирокчилар сони ошгани сайин, тақдим этилаётган хизматлар сони ҳам ошиб бормоқда. Жорий йилнинг биринчи ярмида Пенсия жамғармаси томонидан 18,4 млн хизмат кўрсатилган.

Шу билан бирга, 12,6 миллион транзакция электрон форматда, 4,4 миллиони автоматик режимда амалга оширилди. Яъни, Қозоғистон фуқаролари пенсия хизматларининг қарийб 93 фоизини ўз уйи ёки идорасидан чиқмасдан масофадан туриб олишди. Кўрсатилаётган хизматларни рақамлаштириш жамғарма фаолиятининг устувор йўналишларидан биридир. Масалан, 2018 йилда электрон алоқа каналлари орқали Жамғарма пенсия хизматларини кўрсатиш бўйича тузилган битимларнинг умумий битимлар ҳажмидаги улуши 75 фоизни ташкил этди. Хизматларнинг машҳурлиги ва мавжудлиги ортиб бормоқда.

Умуман, Қозоғистонда ҳозирги вақтда онлайн хизматларни олиш имкониятлари жуда катта. Мамлакатда аҳолининг рақамли саводхонлик даражаси йилдан-йилга жадал ўсиб бормоқда. 2021 йилда шахсий компьютер, смартфон, планшет, ноутбук, шунингдек, стандарт дастурлардан фойдаланиш ва Интернет орқали хизматлар олиш кўникмасига эга бўлган фойдаланувчилар улуши 6-74 ёшдаги 87,3 фоизга етди. 2020 йилда бу кўрсаткич 84,1 фоиз, 2019 йилда 82,1 фоиз, 2018 йилда 79,6 фоизни ташкил этган эди.

Минтақавий шароитда рақамли саводхонликнинг энг юқори даражаси пойтахт аҳолиси, шунингдек, Алмати шаҳри ва Алмати вилояти аҳолиси орасида кузатилмоқда.

Ўхшаш янгиликлар

Янгиликлар

Архив