Қозоғистонда 469 минг тонна қўшимча уран захиралари аниқланди

NUR-SULTAN. Kazinform - Ер ости бойликлари фойдаланувчилари ҳисобидан амалга оширилган геологик қидирув ишлари туфайли мамлакатдаги уран захиралари 469 минг тоннага кўпайди, деб хабар беради Kazinform мухбири.

Бу ҳақда Қозоғистон Экология, геология ва табиий ресурслар вазири ўринбосари Серикқали Брекешев Марказий коммуникациялар хизматида бўлиб ўтган брифингда маълум қилди.

1991 йилдан бери мавжуд корхоналарнинг минерал салоҳиятини мустаҳкамлаш ва хомашё базасини таъминлаш мақсадида олиб борилган геологик қидирув натижаларига кўра, биринчи марта углеводородларнинг 135 кони, ер ости сувларининг 99 кони, қаттиқ фойдали қазилмаларнинг 224 кони давлат мулкига ўтказилди. Улар орасида 94 олтин, 14 мис, 19 марганец рудаси, 16 темир рудаси ва 4 полиметалл рудаси бор «, - деди вазир ўринбосари.

- Илгари ўрганилган конларнинг хомашё базаси кўпайтирилди. Васильковский конининг захиралари бир неча бор ошди. Ер ости бойликлари фойдаланувчилари томонидан олиб борилган разведка ишлари натижасида 1,9 минг тонна олтин, 469 минг тонна уран; 160,7 миллион тонна марганец, 2,9 миллиард тонна темир, 2,5 миллиард тонна нефть, 506 миллиард кубометр газ, 277,2 миллион тонна газ конденсати аниқланди «, - деди вазир ўринбосари.

Муаллиф: Есимжан Нақтибай