Қозоғистонда 27 мингга яқин хорижий автомобил қонунийлаштирилди

ASTANA. Kazinform – Қозоғистонда автотранспорт воситаларини қонунийлаштириш чора-тадбирлари амалга оширилгандан сўнг 20 кун ичида 27 мингга яқин транспорт воситаси рўйхатга олинди, деб хабар беради Kazinform Polisia.kz сайтига таяниб.

Сайтдаги маълумотларга кўра, 65 мингдан ортиқ автомобил олдиндан кўрикдан ўтказилиб, рўйхатга олиш учун юборилган.

Шу билан бирга, Ички ишлар вазирлиги томонидан автомобилларни қонунийлаштириш жараёнида юзага келаётган муаммоларни бартараф этиш юзасидан таҳлилий ишлар олиб борилмоқда.

Жумладан, қонунийлаштириш жараёнида ўнг рулли автомашиналар аниқланиб, улар эҳтиёт қисмлар кўринишида мамлакатимизга олиб келинган ва кейинчалик Қозоғистон фуқароларига сотилган.

«Ушбу транспорт воситалари бўйича Ички ишлар вазирлиги давлат органлари билан биргаликда уларни Қозоғистон Республикасида дастлабки рўйхатга олишнинг ҳуқуқий механизмларини ишлаб чиқди. Ҳозир қонун билан расмийлаштириш ишлари олиб борилмоқда», - дейилади хабарда.