Қозоғистонда 2026 йилга қадар 435та тиббий-санитария муассасалари очилади

NUR-SULTAN. Kazinform – Қозоғистонда 2026 йилгача 435та тиббий-санитария бирламчи тиббий ёрдам муассасаларини очиш режалаштирилган. Бу ҳақда ҚР Бош вазири Асқар Мамин Парламент депутатларнинг расмий сўровига жавоб берди, деб хабар беради Kazinform мухбири.

«КВИга қарши кураш ва эпидемияга қарши тадбирларда қатнашган соғлиқни сақлаш ходимларини рағбатлантириш учун, хавф даражасига қараб 212,5 мингдан 850 минг тенгегача ойлик ёрдам пули тўланади. Давлат раҳбарининг 2020 йил 1 сентябрдаги Қозоғистон Халқига Мурожаатномасида берган кўрсатмаларига мувофиқ, рағбатлантирувчи ёрдам пулини тўлаш 2020 йил охиригача давом этади. Бунинг учун республика бюджетидан 150 миллиард тенгегача маблағ ажратилади. Бундан ташқари, коронавирус инфекцияси ёки вирусли пневмонияга чалинган ёки касалликдан вафот этган тиббиёт ходимига Давлат ижтимоий суғурта жамғармаси томонидан бир марталик ижтимоий нафақалар тўланади», - деди Асқар Мамин.

Бош вазирнинг сўзларига кўра, соғлиқни сақлаш тизими инфратузилмасини ривожлантиришнинг минтақавий узоқ муддатли режаларига мувофиқ, 2026 йилгача 435 та бирламчи тиббий ёрдам муассасалари (2020 йилда - 197, 2021 йилда - 77, 2022 йилда - 95, 2023-2025 йилларда - 66) ташкил этилади.

«Бундан ташқари, Чимкент шаҳрини ривожлантириш ва қуриш бўйича комплекс режада 2023 йилга қадар Жанубий Қозоғистон Тиббиёт Академиясида 1000 ўринли кўп тармоқли касалхона қуриш режалаштирилган», - деди Бош вазир.