Қозоғистонда 2025 йилгача икки миллиард дарахт экилади
Қозоғистон Республикаси Президенти Қасим-Жомарт Тоқаевнинг 2021 йил 26 январда ҚР Ҳукуматининг кенгайтирилган йиғилишида берган топшириғига мувофиқ 4 та асосий йўналишни ўз ичига олган «Яшил Қозоғистон» Миллий лойиҳаси ишлаб чиқилган.
«Биринчи йўналиши «Таза Қозоғистон» доирасида 16 та йирик саноат корхоналарида чиқиндиларни 5 йилда 20 фоизга камайтириш режалаштирилган. Алоҳида йиғиш учун 8 мингдан ортиқ контейнер ўрнатилади. Қаттиқ маиший чиқиндиларни утилизация қилиш улуши 18% дан 34% гача режалаштирилган. «Сирдарё дарёси тубини тартибга солиш ва Орол денгизининг шимолий қисмини сақлаш» лойиҳасининг иккинчи босқичини амалга ошириш режалаштирилган. Балхаш кўли ҳавзасида жойлашган дарёларнинг сув миқдори ва ўтказувчанлигини ошириш чора-тадбирлари кўзда тутилган», - дейилади хабарда.
Иккинчи йўналиш - «Унемди Қозоғистон» 401 реконструкция ва 212 канални рақамлаштириш ҳисобига суғориш пайтида сув йўқотилишини 4 куб километрга камайтиришни назарда тутади. Суғориладиган ерлар майдони 600 минг гектарга кўпайиши керак. 2025 йилгача Ақмола, Ғарбий Қозоғистон, Жамбил, Қизилўрда ва Туркистон вилоятларида жами 1,7 куб километрлик 9 та янги сув омбори қурилади.
Учинчи йўналиш - «Табиғат» 2 миллиард дарахт экишни режалаштирмоқда, ноёб ва йўқолиб кетиш хавфи остида турган ҳайвонлар турларини қайта тиклаш чора-тадбирларини амалга ошириш кўзда тутилган.
Тўртинчи йўналиш - «Экология болашағи» аҳолининг экологик таълими ва маданиятини оширишга қаратилган.
Муаллиф: Мейрамбек Байгарин