Қозоғистонда 1774 нафар Ўзбекистон фуқароси ишламоқда

NUR-SULTAN. Kazinform – Қозоғистонда 16 мингдан ортиқ чет элликлар ишлайди. Бу ҳақда Kazinform мухбири ҚР Меҳнат вазирлиги матбуот хизматига асосланиб хабар беради.

Вазирлик матбуот хизматининг хабар беришича, 2020 йил 1 сентябрь ҳолатига кўра Қозоғистонда хорижий ишчи кучини жалб қилиш учун 16 минг 378 та рухсатнома берилган. Хорижий ишчи кучини биринчи тоифага жалб қилиш учун 637 та рухсатнома (менежерлар ва уларнинг ўринбосарлари), 3481 та иккинчи тоифага (бўлим бошлиқлари) берилган. Чет элдан мутахассисларни жалб қилиш учун рухсатномаларнинг аксарияти учинчи (мутахассислар) ва тўртинчи (малакали ишчилар) тоифаларига тегишли - 7617 киши ва 1153 киши. Бундан ташқари, 1792 киши мавсумий ишларга, 1698 киши корпоратив ички ўтказмаларга жалб қилинган.

Айни пайтда Қозоғистонда чет элдан ишчи кучини жалб қиладиган 1803 иш берувчи мавжуд. Уларда 454 379 мингга яқин Қозоғистон фуқароси ишлайди, бу умумий ишчилар сонининг 96 фоизини ташкил этади.

Меҳнат мигрантлари келган асосий мамлакатлар: Хитой - 3579 киши, Ўзбекистон - 1774, Туркия - 1 661, Ҳиндистон - 1266 ва Буюк Британия - 1081.

Муаллиф: Руслан Ғаббасов