Қозоғистонда 15 мингга яқин хорижлик фуқаролар меҳнат қилади

None
None
NUR-SULTAN. Кazinform - 1 январ ҳолатига кўра, Қозоғистонда маҳаллий ижро ҳокимияти органлари рухсати билан 14 932 нафар хорижлик фуқаролар меҳнат қилмоқда, дея хабар беради Кazinform ҚР Меҳнат ва аҳолини ижтимоий ҳимоя қилиш вазирлиги матбуот хизматига таяниб.

Чет эллик ишчи кучини жалб қилиш учун бериладиган рухсатномалар қаторида қуйидаги тоифалар мавжуд: биринчи тоифа – 635 (раҳбар ва уларнинг ўринбосарлари), иккинчи тоифа – 3 206 (бўлим бошлиқлари). Жалб этилган КЎБ субъектларининг асосий қисми учинчи (мутахассислар) ва тўртинчи (малакали ишчилар) тоифаларига тегишли - мос равишда 7827 киши ва 745 киши. Шунингдек, 408 нафар киши мавсумий ишларга, 2057 нафари эса корпоратив алмашинувга жалб этилган.

Ҳозирда Қозоғистонда чет эллик ишчи кучидан фойдаланадиган 1779 иш берувчи мавжуд. Уларда 458 мингдан ортиқ Қозоғистон фуқаролари ишлайди, бу умумий ходимлар сонининг 97 фоизини ташкил этади.

Меҳнат мигрантларининг асосий келиб чиқиш мамлакатлари қуйидагилардир: Хитой – 3738 киши, Туркия – 1979 киши, Ҳиндистон – 1228 киши, Буюк Британия – 1019 киши, Ўзбекистон – 427 киши.

Эслатиб ўтамиз, ички меҳнат бозорини ҳимоя қилиш мақсадида Қозоғистон Меҳнат ва аҳолини ижтимоий ҳимоя қилиш вазирлиги ҳар йили мамлакатга хорижлик мутахассисларни жалб қилиш учун квота белгилайди. 2021 йилда ишчи кучи учун квоталар 0,31% ёки 29,3 минг бирликни ташкил қилади.

Сўнгги хабарлар