Қозоғистонда 10 йил ичида болали оилаларга давлат томонидан нафақа олувчилар сони кўпайган

NUR-SULTAN. Kazinform – ҚР Бош вазирининг ўринбосари Ерали Тўғжанов Қозоғистонда 10 йил ичида болали оилаларга давлат томонидан нафақа олувчилар сони 528,6 минг кишига кўпайган ҳақида маълумот берди, деб хабар беради Kazinform мухбири.

«Болали оилаларни ижтимоий қўллаб-қувватлашнинг миллий модели болали оилаларни қўллаб-қувватлашга йўналтирилган давлат нафақалари ва хизматлари тўпламини, шунингдек туғилиш даражасини рағбатлантириш ва кўп болали оилаларни қўллаб-қувватлаш тизимини ўз ичига олади. Шундай қилиб, сўнгги 10 йил ичида болали оилаларга давлат томонидан нафақа олувчилар сони 528,6 минг кишига кўпайган (2011 йилда - 1 358 551 киши, 2020 йилда - 1 887 179 киши), давлат маблағлари миқдори қарийб 4 баравар кўпайган ( 2011 йилда - 160,9 млрд тенге, 2020 йилда - 635,3 млрд тенге). Шу билан бирга, статистик маълумотларга кўра, 2011 йилдан туғилган болалар сони 14,2 фоизга ўсди (2011 йилда - 372 690 бола, 2020 йилда - 425 625 бола)», - деб ёзди Ерали Тўғжанов депутат сўровига жавобан.