Қозоғистонда 10 ойда 11,3 млн тонна нефт маҳсулотлари ишлаб чиқарилди

NUR-SULTAN. Kazinform – Қозоғистонда 2021 йилнинг 10 ойида 11,3 миллион тонна нефт маҳсулотлари ишлаб чиқарилди. Бу ҳақда Ҳукумат йиғилишида ҚР Энергетика вазири Мағзум Мирзағалиев маълум қилди, деб хабар беради Kazinform мухбири.

«Нефтни қайта ишлаш заводлари модернизация қилинганидан кейин ишлаб чиқариш ҳажми ошади. Жорий йилнинг 10 ойида нефт қазиб олиш ҳажми 2020 йилнинг шу даврига нисбатан 11,3 миллион тоннани ёки 109 фоизни ташкил этди», - деди вазир.

Унга кўра, 2021 йилда нефт қазиб олиш режаси 13,1 миллион тонна ёки 2020 йилга нисбатан 105 фоизни ташкил этади.

Муаллиф: Марлан Жиембай