Қозоғистонда 1 февралда коронавирусга қарши кенг қамровли эмлаш бошланади

NUR-SULTAN. Kazinform – Қозоғистонда 1 февралдан коронавирус инфекциясига қарши кенг қамровли эмлаш режалаштирилган. Бу ҳақда ҚР Соғлиқни сақлаш вазири Алексей Цой Ҳукумат йиғилишида маълум қилди, деб хабар беради Kazinform мухбири.

«Коронавирус инфекциясига қарши эмлашни тезлаштириш мақсадида қуйидаги йўналишлар бўйича ишлар олиб борилмоқда: 2021 йил 19 январда Қарағанди фармацевтика компанияси ва Россия Федерациясининг Тўғридан-тўғри инвестиция жамғармаси Спутник V вакцинасининг 20 минг дозасини олиб киришга келишади. 20 январ куни «СҚ-Фармация» компаниясига ушбу вакциналарни махсус тартибда бир марта олиб киришга рухсат берилади. Шундан сўнг, 1 февралдан бошлаб аҳолининг илгари аниқланган гуруҳларини эмлаш бошланади», - деди Алексей Цой.

Вазирнинг сўзларига кўра, бу йил Қозоғистонда 6 миллион одам эмланади.

Муаллиф: Аян Бекенўғли