Қозоғистон-Ўзбекистон фавқулодда вазиятларда ўзаро ёрдам кўрсатиш тўғрисидаги ҳужжат тасдиқланди

ASTANA. Kazinform – Мажилиснинг ялпи мажлисида «Қозоғистон ва Ўзбекистон ҳукуматлари ўртасида фавқулодда вазиятларнинг олдини олиш ва уларни бартараф этиш соҳасида ҳамкорлик тўғрисидаги битимни ратификация қилиш ҳақида»ги қонун лойиҳаси маъқулланди, деб хабар беради Кazinform мухбири.

Ушбу шартнома 2021 йил 6 декабрда Астанада имзоланган. Битим Қозоғистон ва Ўзбекистон ҳукуматлари ваколатли органлари ўртасида фавқулодда вазиятларнинг олдини олиш соҳасидаги ҳамкорликнинг ҳуқуқий асосларини яратишга қаратилган.

Қозоғистон Республикаси Фавқулодда вазиятлар вазири ўринбосари Марат Қулдиковнинг сўзларига кўра, томонлардан бирининг ҳудудида фавқулодда вазият юзага келган тақдирда, биргаликдаги ҳаракатлар туфайли келишувнинг ушбу банди амалга оширилади.

«Эришилган келишув тажриба алмашиш, фуқароларни хавфли вазиятларда ўқитиш, икки давлат таълим муассасаларида фуқаро муҳофазаси бўйича мутахассислар тайёрлаш, бир давлат ҳудудидаги фавқулодда вазиятларни бартараф этишга кўмаклашиш имконини беради», — деди вазир ўринбосари.

Унинг сўзларига кўра, қонун лойиҳаси салбий таъсир кўрсатмайди ва молиявий харажатларни талаб қилмайди. Қонун лойиҳасининг қабул қилиниши бахтсиз ҳодисалар хавфини камайтириш ва томонлар ҳудудида табиий, техноген хусусиятли фавқулодда вазият оқибатларини камайтириш имконини беради.

Муаллиф: Руслан Ғаббасов