20:12, 04 Август 2022 | GMT +6
Қозоғистон йил охиригача QazVac ва Pfizer вакциналарини қўшимча сотиб олади
NUR-SULTAN. Kazinform - Қозоғистонда аҳолини эмлаш ва қайта эмлаш учун уч турдаги вакциналар ишлатилмоқда, деб хабар беради Kazinform.
«Юқумли касалликларга қарши курашда инсоният ҳали эмлашдан самаралироқ нарсани ихтиро қилмаган. КВИга қарши эмлаш ва қайта эмлаш ҳали ҳам инфекцияга қарши ягона ҳимоя ҳисобланади. Беморларнинг 80 фоизи эмланмаган ёки эмланганига 6 ойдан ошиб кетган одамлардир, бу эса КВИга қарши ўз вақтида қайта эмлаш зарурлигини яна бир бор исботлайди»
, — деди Соғлиқни сақлаш вазири Ажар Ғиният.
Соғлиқни сақлаш вазирлиги маълумотларига кўра, бугунги кунда талаб қилинадиган катта ёшдаги аҳолининг 80% дан ортиғи ёки мамлакат умумий аҳолисининг 56% дан ортиғи КВИга қарши эмланган.
«Республикада аҳолини қайта эмлаш давом этмоқда, бугунги кунда 5 миллиондан ортиқ киши ревакцинациядан ўтган, қайта эмланиши лозим бўлган контингентнинг 68,0 фоизини ташкил этади. Ҳар куни 14 мингдан ортиқ одам эмланади»
, — деди Ажар Ғиният.
Унинг эслатишича, Қозоғистонда аҳолини эмлаш ва қайта эмлаш учун уч турдаги вакциналар мавжуд: QazVac, Sinofarm ва Pfizer.
«Иммунопрофилактикани таъминлаш учун вакцина истеъмол қилиш тезлигини ҳисобга олган ҳолда, жорий йил охиригача 500 минг доза миқдорида QazVac вакцинасини ва 300 минг доза миқдорида Pfizer вакцинасини қўшимча харид қилиш режалаштирилган»
, – деди Ажар Ғиният.