Қозоғистон яна бир бор БМТ Хавфсизлик Кенгаши аъзолигига ўз номзодини тақдим этди

None
ASTANА. Каzinform – Қозоғистон яна БМТ Хавфсизлик Кенгаши аъзолигига ўз номзодини тақдим этди. Бу ҳақда Ташқи ишлар вазирининг биринчи ўринбосари Қайрат Омаров маълум қилди, дея хабар беради Кazinform мухбири.

«2016 йилда Қозоғистон БМТ Хавфсизлик Кенгашининг доимий бўлмаган аъзоси этиб сайланди. Бу халқаро эътироф белгиси бўлди ва биз нафақат мамлакатимиз, балки бутун Марказий Осиё минтақасини самарали намоён этдик. Кенгаш ишига ҳам ўз ҳиссамизни қўшмоқдамиз. Бугун биз бундай тажрибани такрорлай оламиз деган умиддамиз. Шу боис, Қозоғистон номзоди БМТ Хавфсизлик Кенгаши сайловларида қўллаб-қувватланади, деб умид қиламиз», - деди Қайрат Омаров пойтахтда «Бирлашган Миллатлар Ташкилотининг Қозоғистонда 30 йиллиги ва БМТ 2021-2025 йилларга мўлжалланган Барқарор ривожланиш доирасида ҳамкорлик бўйича бошқарув қўмитаси» мавзусидаги тадбирда.

photo

Унинг айтишича, ўтган йилнинг октябр ойида Астана шаҳрида Осиёда ҳамкорлик ва ишонч чоралари кенгаши саммити бўлиб ўтган, унда Озарбайжон, Беларусь, Ироқ, Эрон, Қирғизистон, Фаластин, Тожикистон, Россия, Туркия, Ўзбекистон президентлари иштирок этган, Қатар амири, Вьетнам вице-президенти, Хитой Халқ Республикаси раисининг ўринбосари, вазир иштирок этдилар.

photo

«Бу ташаббуслар ҳаётийлигини таъкидлаш лозим. Бу турли ташкилотларнинг, шу жумладан халқаро ташкилотларнинг институционализацияси туфайли содир бўлди. Ана шундай қисқа муддатда биргаликда кўплаб ишларни амалга оширишга муваффақ бўлдик. Айни пайтда Қозоғистон диний марказлар ва цивилизацияларнинг глобал марказига айланди. Ўтган йили БМТ кўмагида Жаҳон ва анъанавий динлар етакчиларининг VII қурултойи бўлиб ўтди», - деди у.

photo

photo

Муаллиф: Марлан Жиембай


Сўнгги хабарлар