Қозоғистон ва жаҳоннинг энг яхши саҳналарида этник театрларнинг гастролларини ташкил этиш зарур – ҚР Президенти
Давлат раҳбари этник театрлар ва улардаги фольклор жамоаларининг барча вилоятларда, Қозоғистоннинг энг яхши саҳналарида, шунингдек, хорижда гастрол сафарларини ташкил этиш зарур, деб ҳисоблайди.
«Қозоғистоннинг этник-маданий хилма-хиллиги бадиий фильмлар, телесериаллар, театрлаштирилган томошаларда ўз аксини топиши керак. Қозоғистоннинг турли этник гуруҳлари тилларида нашр этилаётган оммавий ахборот воситаларини қўллаб-қувватлашга алоҳида эътибор қаратиш лозим. Улар бирдамлик ва ўзаро ҳамжиҳатлик қадриятларини ҳар томонлама тарғиб қилишлари, асосий эътиборни миллий кун тартибига қаратишлари керак», - деди Қасим-Жомарт Тоқаев Қозоғистон халқи Ассамблеясининг ХХХІІ сессиясида.
Эслатиб ўтамиз, Астана шаҳрида Қозоғистон халқи Ассамблеясининг ХХХІІ сессияси Президент Қасим-Жомарт Тоқаев иштирокида бўлиб ўтмоқда. Сессиянинг мавзуси «Адолатли Қозоғистон: бирлик, барқарорлик, тараққиёт».
Муаллиф: Анеля Қасимова