Қозоғистон ва Ўзбекистонни боғлайдиган темир йўл қурилиши муҳокама қилинмоқда

TASHKENT. Kazinform – ҚР Индустрия ва инфратузилмаларни ривожлантириш вазирлиги делегациясининг Ўзбекистонга ташрифи чоғида томонлар икки мамлакат ўртасидаги ҳамкорликни мустаҳкамлаш йўлларини муҳокама қилдилар, деб хабар беради Kazinform мухбири.

ҚР Индустрия ва инфратузилмаларни ривожлантириш вазири Берик Камалиев ва Ўзбекистон Транспорт вазири вазифасини бажарувчи Илхом Махкамов музокаралар ўтказдилар ва инфратузилма лойиҳаларини биргаликда амалга ошириш бўйича ўз фикрларини билдирдилар. Хусусан, Туркистан-Чимкент-Ташкент тезюрар темир йўлини қуриш ва янги Мақтаарал-Дарбаза темир йўл линиясини қуриш масалалари муҳокама қилинди.

Икки мамлакат ўртасида мавжуд бўлган рейслар сонини кўпайтириш ва янги йўналишларни қўшиш масаласи ҳам кўриб чиқилди. Улар орасида Қозоғистондан Самарқанд ва Урганчга ва орқага доимий рейсларни йўлга қўйиш режалаштирилган.

Томонлар эпидемиологик вазиятни ҳисобга олган ҳолда темир йўл йўналишларини жонлантириш масаласини ҳам муҳокама қилдилар.

Муаллиф: Балнур Қожагелди