Қозоғистон ва Ўзбекистон ўртасидаги авиақатновлар сони 2,5 баробарга ошди

TASHKENT. Kazinform – Тошкентда Қозоғистон ва Ўзбекистон авиацияси ўртасида музокаралар бўлиб ўтди. Бу ҳақда Kazinform ҚР Фуқаро авиацияси қўмитасига таяниб хабар бермоқда.

Музокаралар давомида томонлар парвозлар сонини янада ошириш ва парвозлар географиясини кенгайтириш масалаларини муҳокама қилдилар.

Томонлар Астана-Тошкент йўналишлари бўйича рухсат этилган рейслар сонини ҳафтасига 12 тадан 36 тага (ўсиш 80%), Алмати-Тошкент йўналишлари бўйича рейсларни ҳафтасига 20 тадан 36 тага (ўсиш 200%) ва бошқа йўналишлардаги рейсларни ҳафтасига 4 тагача оширишга келишиб олди.

Шундай қилиб, эришилган келишувларга асосан, жорий йилнинг баҳор-ёз давридан бошлаб «Эйр Астана» ва «Uzbekistan Airways» авиакомпаниялари Алмати-Тошкент йўналиши бўйича парвозлар сонини ҳафтасига 14 тадан 20 тагача ва Астана-Тошкент йўналиши бўйича рейслар сонини ҳафтасига 6 дан 12 гача оширишни режалаштирилмоқда.

Шунингдек, рақобат ва савдо-иқтисодий ҳамкорликни ривожлантириш, шунингдек, авиачипталар нархини пасайтириш мақсадида Қозоғистон ва Ўзбекистон ўртасидаги барча шартнома йўналишларида авиаташувчиларни тайинлаш бўйича келишувга эришилди.

Бундан ташқари, Қозоғистон авиаташувчилари Самарқанд, Фарғона, Бухоро ва Қарши шаҳарларига мунтазам тўғридан-тўғри рейсларни очишни режалаштирмоқда.

Бундан ташқари, томонлар парвозлар хавфсизлиги ва авиация хавфсизлиги соҳасидаги ҳамкорлик масалаларини муҳокама қилдилар.

Эслатиб ўтамиз, икки қардош давлат ўртасидаги алоқалар ҳар томонлама мустаҳкамланиб бормоқда. ҚР Президенти Қасим-Жомарт Тоқаев Чимкент шаҳрида Ўзбекистон Президенти Шавкат Мирзиёев билан норасмий учрашув ўтказди.