+7 (701) 759 90 19
USD 427.55 EUR 515.84
RUB 5.75 CNY 66.24
Янгиликлар

Қозоғистон ва Ўзбекистон бош вазирлари «Марказий Осиё» халқаро марказини ишга туширишди

10 Апрель 19:45
Баҳам кўринг:
Қозоғистон ва Ўзбекистон бош вазирлари «Марказий Осиё» халқаро марказини ишга туширишди

NUR-SULTAN. Kazinform – Қозоғистон Бош вазири Асқар Мамин ва Ўзбекистон Бош вазири Абдулла Арипов Қозоғистон-Ўзбекистон чегарасидаги «Ипак йўли» назорат-ўтказиш пунктида музокаралар ўтказдилар ва «Марказий Осиё» халқаро савдо-иқтисодий ҳамкорлик маркази қурилиш майдончасида капсула қўйиш маросимида иштирок этишди, деб хабар беради Kazinform primeminister.kz сайтига асосланиб.

Ўхшаш янгиликлар
«Жибек жоли» чегара бекатидан гиёҳванд модда олиб ўтмоқчи бўлган Ўзбекистон фуқароси қўлга олинди Қозоғистон Президенти бир қатор мамлакатлар раҳбарлари билан телефон орқали сўзлашди Ўзбекистонда Рамазон ҳайити муносабати билан 100 нафар фуқаро афв этилди

Томонлар савдо-иқтисодий, сармоявий, қишлоқ хўжалиги, транзит-транспорт, туризм, космик, саноат кооперацияси, трансчегаравий сув ресурсларидан оқилона фойдаланиш ва муҳофаза қилишнинг долзарб масалаларини, шунингдек, Қозоғистон ва Ўзбекистон ўртасидаги минтақалараро ва трансчегаравий ҳамкорликни муҳокама қилдилар. Автомобилсозлик, қишлоқ хўжалиги маҳсулотларини қайта ишлаш бўйича қўшма лойиҳаларни амалга оширишга, шунингдек, «Туркистон-Чимкент-Тошкент» тезюрар темир йўл қурилишига алоҳида эътибор қаратилди. Музокаралар якунида А.Мамин ва А.Арипов «Марказий Осиё» ҲСИМ фаолиятини ташкил этиш бўйича тадбирлар режасини, шунингдек темир йўл транспортини ривожлантириш бўйича қўшма ҳаракатлар тўғрисида протоколни имзолади.



«Марказий Осиё» ҲСИМ «Жібек жолы» (ҚР) ва «Ғишт Кўприк» (ЎР) назорат-ўтказиш пунктлари ҳудудида жойлашган бўлади. Марказнинг умумий майдони 400 гектарни ташкил этади, ҳар икки йўналишда кунига 35 минг кишини ва 5 минг юк машинасини ўтказиш имконияти мавжуд. Марказ Қозоғистон ва Ўзбекистоннинг қўшма инвестиция лойиҳаларини амалга ошириш учун йирик саноат ва савдо-логистика майдончасига айланиши кўзда тутилган. Саноат кооперациясининг энг истиқболли йўналишлари қайта ишлаш сектори, қишлоқ хўжалиги ва енгил саноатдир.



«Қозоғистон ва Ўзбекистон ҳукуматлари ўзаро савдо айланмасини 10 миллиард долларга етказиш устида ишламоқда. Бугун бошланган лойиҳа ушбу мақсадга эришишга хизмат қилади ва икки мамлакат ўртасидаги ҳар томонлама стратегик ҳамкорликни янада мустаҳкамлайди», - деди А.Мамин.

Қозоғистон Ўзбекистоннинг Сурхондарё ва Фарғона вилоятларида учта улгуржи ва тарқатиш марказларини очиш орқали Қозоғистон ва Ўзбекистон ўртасида ягона савдо тизимини яратишга қизиқиш билдирмоқда.


Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив