Қозоғистон ва Ўзбекистон биргаликда фармацевтика саноатини очади

NUR-SULTAN. Kazinform – Қозоғистон-Ўзбекистонда фармацевтика саноатини очиш масаласи кўриб чиқилмоқда. Бу ҳақда Ўзбекистон Республикасининг Қозоғистондаги Фавқулодда ва Мухтор элчиси Саидикрам Ниёзхўжаев маълум қилди, деб хабар беради Kazinform мухбири.

«Коронавирусга қарши курашда Ўзбекистон ва Қозоғистон ўртасидаги ўзаро муносабатларга эътибор қаратмоқчиман. Икки мамлакат Соғлиқни сақлаш вазирликлари эпидемияни бартараф этиш бўйича тажриба алмашдилар. Қозоғистон соғлиқни сақлаш вазири Ўзбекистонга ташриф буюрди ва мамлакатда эпидемиологик вазиятни яхшилаш бўйича икки томонлама учрашув ўтказди. Бундан ташқари, пандемия пайтида қардош қозоқ халқи ўзбек биродарларига гуманитар ёрдам кўрсатди. Шунга кўра, бизнинг мамлакатимиз ҳам Қозоғистонга COVID-19га қарши курашда ёрдам берди. Бугунги кунда икки мамлакат бу борада тажриба алмашишни давом эттирмоқда. Улардан бири - Ўзбекистон ва Қозоғистонда фармацевтика корхонасини очиш масаласидир», - деди Саидикрам Ниёзхўжаев Ўзбекистон пойтахтидаги элчихонасида ўтказилган матбуот анжуманида.

Элчининг сўзларига кўра, ҳозирда бу масала икки томонлама кўриб чиқилмоқда.

Эслатиб ўтамиз, аввалроқ, Ўзбекистон элчиси С. Ниёзхўжаев жорий йилда Қозоғистон ва Ўзбекистон ўртасидаги товар айланмаси қарийб 2 млрд АҚШ долларига етгани ҳақида хабар берилган эди.

Муаллиф: Али Ибраев