Қозоғистон ва Ўзбекистон ҳамкорликда пахтани қайта ишлаш кластерини ривожлантиради – ҚР Савдо вазири

TÜRKISTAN. Кazinform – Қозоғистон ва Ўзбекистон пахтани қайта ишлаш кластерини ҳамкорликда ривожлантиради. Бу ҳақда Туркистон вилояти аҳолиси билан учрашган Қозоғистон Республикаси Бош вазири ўринбосари – Савдо ва интеграция вазири Серик Жуманғарин маълум қилди, дея хабар беради Кazinform мухбири.

Бугун декабр ойида Ўзбекистонда ўтказиладиган бизнес-форумда жамиятда долзарб бўлган пахта муаммоси билан боғлиқ вазият муҳокама қилинади. Шунингдек, Туркистонда пахта кластери билан боғлиқ кооператив лойиҳаларни амалга ошириш кун тартибига қўйилади.

«Ўзбекистонда пахта маҳсулотларини қайта ишлаш бўйича катта тажриба тўпланган. Ўзбекистон бутун пахта циклини яратган давлатдир. Шунинг учун ҳам биз икки давлат Туркистонда ҳамкорлик лойиҳаларини биргаликда ишлаб чиқишни таклиф қилдик. Чунки Туркистонда махсус иқтисодий зона бор, пахта етиштирилади, мутахассислар етарли. Ўзбекистон томони ҳам таклифимизга рози бўлди. Бу масала декабр ойида бўлиб ўтадиган бизнес-форумда муҳокама қилинади ва кооператив лойиҳаларни ривожлантириш бўйича меморандум имзолаймиз»

, - деди Серик Жуманғарин.

Шунингдек, учрашувда Туркистон вилоятида амалга оширилаётган бошқа лойиҳалар ҳам кенг муҳокама қилинди.

Вазирнинг сўзларига кўра, 2025 йилгача Арис шаҳрида вилоят болалар шифохонаси, иккита перинатал марказ, шошилинч тиббий ёрдам пункти бўлган шаҳар поликлиникаси қурилиши режалаштирилган. Шунингдек, 20 та амбулатория, 23 та фельдшерлик пункти, 6 та тиббиёт пункти, 570 ўринга мўлжалланган кўп тармоқли шифохона қурилади.

Муаллиф: Қайрат Зайнишев