Қозоғистон ва Россия стратегик шерикликни мустаҳкамлашга тайёр
18 Май 21:32

Қозоғистон ва Россия стратегик шерикликни мустаҳкамлашга тайёр

NUR-SULTAN. Кazinform - Қозоғистон ва Россия Бош вазирлари ҳамкорликнинг долзарб масалаларини муҳокама қилди, деб хабар беради Кazinform.

«Қозоғистон Бош вазири Алихан Смаилов Россия Федерацияси Ҳукумати раҳбари Михаил Мишустин билан телефон орқали мулоқот қилди. Суҳбат чоғида Бош вазирлар икки томонлама кун тартибининг долзарб масалаларини муҳокама қилдилар ҳамда савдо-иқтисодий ҳамкорликни, саноат кооперациясини ва минтақавий ҳамкорликни кенгайтириш муҳимлигини таъкидладилар. Алихан Смаилов ва Михаил Мишустин ўзаро манфаатли муҳим йўналишлар бўйича стратегик шерикликни мустаҳкамлашга тайёр эканликларини таъкидладилар», — дейилади Ҳукумат расмий сайтида.


Ўхшаш янгиликлар
Қозоғистон ва Вьетнам ўртасида ҳаво алоқаси қайта тикланди
8 Август 15:32

Қозоғистон ва Вьетнам ўртасида ҳаво алоқаси қайта тикланди

NUR-SULTAN. Kazinform - Фуқаро авиацияси қўмитаси Вьетнам Социалистик Республикаси авиация маъмурияти билан биргаликда Қозоғистон ва Вьетнам ўртасида мунтазам йўловчи қатновларини қайта тиклаш устида ишламоқда, дея хабар беради Кazinform ҚР Индустрия ва инфратузилмаларни ривожлантириш вазирлигининг ФАҚ Тelegran-каналига таяниб.

Шу тариқа, Вьетнамнинг энг йирик авиакомпанияси «Vietjet Air» жорий йилнинг сентабр ойи охиридан бошлаб ҳафтасига 2-3 марта частотали Камрань – Нур-Султан ва Камрань – Алмати йўналишларида мунтазам йўловчи рейсларини йўлга қўйишни режалаштирмоқда. Аirbus А-330 типидаги самолётларда.

Қозоғистон ва Вьетнам ўртасида ҳаво алоқаларининг тикланиши мамлакатлар ўртасидаги савдо-иқтисодий, сармоявий, туризм ва маданий ҳамкорликни жадал ривожлантиришга хизмат қилади.

«Vietjet Аir» - Вьетнамнинг арзон авиакомпанияси. Авиакомпания 2007 йилда парвозларни амалга ошира бошлаган. У 19 дан ортиқ йўналиш бўйича 10 та давлат – Сингапур, Малайзия, Мьянма, Индонезия, Камбоджа, Тайван, Жанубий Корея, Хитой, Япония ва Ҳиндистонга халқаро рейсларни амалга оширади. Авиакомпания паркига 78 та Аirbus А320, А321, А321neо, А330 самолётлари киради.

40 нафар қозоғистонлик Туркия ва Россия ОТМлари талабаси бўлди
8 Август 10:14

40 нафар қозоғистонлик Туркия ва Россия ОТМлари талабаси бўлди

NUR-SULTAN. Kazinform – ҚР Миллий гвардияси академиясида Туркия ва Россия ҳарбий таълим муассасаларига ўқишга кирган Қозоғистон Республикасининг 40 нафар курсанти қасамёд қилди. Бу ҳақда Kazinform ҚР Миллий гвардия матбуот хизматига таяниб хабар беради.

«Ҳар йили Миллий гвардия академиясининг биринчи курсига курсантларни қабул қилиш билан бирга, халқаро шартнома ва келишувларга асосан хорижий давлатлардаги ҳарбий таълим муассасаларига ҳам ўқишга қабул қилиш амалга оширилмоқда. Ҳарбий қасамёд – Қозоғистон Республикаси Президенти томонидан тасдиқланган норматив-ҳуқуқий ҳужжат, тантанали қасамёд қилиш ва мустаҳкам ҳарбий маросимдир», - дейлади ҚР Миллий гвардияда.

«Бирингиз 4 йил, бирингиз 5 йил Ватанингиздан узоқда ўқийсиз. Шу йиллар давомида мамлакатда ўқиган курсантлардан кўра Сизларга қийинроқ бўлади. Қариндошлар, дўстлар ва яқинлар билан хайрлашиш енгил юк эмас. Вақт ва масофа ҳаётингизда ким кимлигини ва бу синовдан қандай ўтишингизни кўрсатади. Сизларга юртингизни хорижда намоён этишдек шарафли вазифа юкланган. Сизларнинг таълим-тарбиянгиз, интизомингиз орқали бошқа давлатлар вакиллари ҳам Ватанимиз, халқимиз ҳақида тушунчага эга бўладилар», - дейди Миллий гвардия академияси бошлиғининг тарбия ва ижтимоий-ҳуқуқий ишлар бўйича ўринбосари Нурбай Беқтурсинов.

Россияда 20 мингдан ортиқ кишида коронавирус аниқланди
8 Август 08:14

Россияда 20 мингдан ортиқ кишида коронавирус аниқланди

MOSKVA. TASS - Kazinform – Россияда коронавирус инфекциясининг тасдиқланган ҳолатлари сони бир кун аввал 19 974 тага нисбатан 20 303 тага етди. Бу ҳақда журналистларга якшанба куни инфекцияга қарши кураш бўйича федерал тезкор штабда маълум қилинди, деб хабар беради Kazinform «ТАСС»га таяниб.

Шундай қилиб, Россияда 30 мартдан бери биринчи марта бир кунда 20 мингдан ортиқ кишида коронавирус аниқланди. Пандемия бошлангандан бери мамлакатда жами 18 712 699 та юқтириш ҳолатлари қайд этилган.

Бир кунда вафот этганлар сони 44 тага, бир кун олдинги 46 тага кўпайиб, 382 741 тага этди.

Соғайганлар сони 8 729 тага кўпайиб, 18 039 355 тани ташкил этди.

Янгиликлар

Архив