Қозоғистон ва Озарбайжон пойтахтлари ўртасидаги тўғридан-тўғри рейслар қайта очилади
ҚР ИИРВ Фуқаро авиацияси қўмитаси Озарбайжон Республикаси авиация маъмурияти билан биргаликда халқаро алоқаларни қайта тиклаш ва очиш бўйича ишлар доирасида «Озарбайжон Хава Йоллари» авиакомпаниясининг Боку-Астана ва Боку-Алмати йўналишларида мунтазам йўловчи қатновларини қайта тиклаш масаласини ишлаб чиқди.
Шу тариқа, Озарбайжон ҳаво компанияси жорий йилнинг 10 мартидан бошлаб Боку-Астана йўналишида ҳафтасига 2 та рейс (пайшанба, шанба) ва жорий йилнинг 11 мартидан бошлаб Боку-Алмати йўналиши бўйича ҳафтасига 2 та рейс (чоршанба, якшанба) йўловчи қатновларини қайта тиклашни режалаштирмоқда. Парвозлар А-319/Е-190/Б-757 русумли самолётларда амалга оширилади. Қозоғистон ва Озарбайжон пойтахтлари ўртасида ҳаво қатновининг тикланиши икки давлат ўртасидаги савдо-иқтисодий, сармоявий, туризм ва маданий-ишбилармонлик ҳамкорлигини янада ривожлантиришга хизмат қилади.