Қозоғистон ва Литва Транскаспий йўналиши имкониятларини муҳокама қилди

ASTANA. Kazinform - Литва Ташқи ишлар вазири Габриэлюс Ландсбергис билан учрашувда Транскаспий халқаро транспорт йўналиши ва Клайпеда портидан фойдаланишга катта эътибор қаратилди. Бу ҳақда Қозоғистон Республикаси Бош вазири ўринбосари – Ташқи ишлар вазири Мухтар Тилеуберди маълум қилди, дея хабар бермоқда Kazinform мухбири.

«Икки давлатнинг қонун чиқарувчи ҳокимият вакиллари даражасидаги мазмунли ўзаро ҳамкорлигини таъкидламоқчиман. Мамлакат парламенти ва Сеймда дўстлик гуруҳлари фаолият юритади. Сармоявий ва савдо-иқтисодий ҳамкорлик масалаларига, шунингдек, логистика йўналишларини диверсификация қилиш, жумладан, Транскаспий халқаро транспорт йўналиши ва Клайпеда портидан фойдаланишга катта эътибор қаратилди»

, — деди Қозоғистон Республикаси Ташқи ишлар вазири.

Унинг сўзларига кўра, Литва Қозоғистоннинг Европа Иттифоқи мамлакатларидаги энг йирик ўнта савдо ҳамкори ва дунёдаги йигирмата энг йирик ҳамкорлари қаторига киради.

«Бундан ташқари, Қозоғистон анъанавий равишда Литванинг йигирмата йирик савдо ҳамкорларидан бири ҳисобланади», — деди Бош вазир ўринбосари.

Муаллиф: Есимжан Нақтибай