Қозоғистон ва ЕИ ўртасидаги муносабатлар фаол ривожланмоқда – ҚР Ташқи ишлар вазири
13:39, 17 Ноябр 2022
ASTANA. Kazinform - Қозоғистон Республикаси Бош вазири ўринбосари – Ташқи ишлар вазири Мухтар Тилеуберди Европа Иттифоқининг Ташқи ишлар ва хавфсизлик сиёсати бўйича Олий вакили – Еврокомиссия вице-президенти Жозеп Боррельнинг ташрифи юзасидан фикр билдирди. Қозоғистонга, деб хабар қилмоқда Kazinform мухбири.
«Ташриф муҳим воқеа – 20 ноябр куни бўлиб ўтадиган Қозоғистон Республикаси Президенти сайлови арафасида амалга оширилмоқда. Мамлакатимизда рўй бераётган кенг кўламли сиёсий ва ижтимоий-иқтисодий ўзгаришларни доимий қўллаб-қувватлаб, адолатли Қозоғистонни яратиш йўлидаги саъй-ҳаракатларимиз юзасидан европалик ҳамкорларнинг ижобий фикрлари учун Европа Иттифоқидан миннатдормиз»
, — деди М.Тилеуберди.
Шу муносабат билан вазир келгуси йилда Қозоғистон ва Европа Иттифоқи ўртасидаги дипломатик муносабатларнинг 30 йиллиги нишонланишини эслатди.
«Биз ишонч, ўзаро ҳурмат ва умумий устуворликларга асосланган мустаҳкам муносабатларимизни қадрлаймиз. Шу билан бирга, биз Қозоғистон ва Европа Иттифоқи ўртасида ҳамкорликнинг 29 йўналишини ўз ичига олган кенгайтирилган шериклик ва ҳамкорлик тўғрисидаги битимнинг самарали амалга оширилаётганидан манфаатдормиз. Таъкидлаш жоизки, муносабатларимиз барча устувор йўналишлар бўйича фаол ривожланмоқда»
, — деди Қозоғистон Республикаси Ташқи ишлар вазири.
Муаллиф: Руслан Ғаббасов