Қозоғистон ва АҚШ тўғридан-тўғри рейсларни йўлга қўйиш бўйича музокаралар олиб бормоқда

ASTANA. Kazinform – Қозоғистон Республикаси Индустрия ва инфратузилмаларни ривожлантириш вазирлиги Фуқаро авиацияси қўмитаси раисининг ўринбосари Тимур Тўлегенов Қозоғистон ва Америка Қўшма Штатлари ўртасида ҳаво алоқаларини йўлга қўйиш бўйича олиб борилаётган музокаралар ҳақида маълум қилди, дея хабар беради Kazinform мухбири.

«Душанба куни элчихонада видеоалоқа орқали ҳаво алоқаларини йўлга қўйиш масалалари муҳокама этилди. Қўшма Штатлар парвозлар учун жуда қаттиқ ва юқори талабларни қўяди. Ҳозирда авиация маъмурияти билан биргаликда бу йўналишда ишлар олиб бориляпти. Биз бу рейсларни 2025 йилгача йўлга қўйишни режалаштиряпмиз», – деди Тимур Тўлегенов «Биринчи Қозоғистон ҳаво мулоқоти» форуми чоғида.

Шунингдек, у Токиога тўғридан-тўғри рейсларни қайта тиклаш имконияти кўриб чиқилаётганини ҳам таъкидлади. Қарор йўловчилар оқимини баҳолашдан сўнг қабул қилинади.

Муаллиф: Анеля Қасимова