USD 434.24 EUR 492.69
RUB 5.67 CNY 68.46
Янгиликлар

Қозоғистон ва АҚШ мудофачилари IT-технологияларни муҳокама қилди

24 Июнь 15:54
Баҳам кўринг:
Қозоғистон ва АҚШ мудофачилари IT-технологияларни муҳокама қилди

NUR-SULTAN. Kazinform - Алмати шаҳридаги Мудофаа вазирлигининг Ҳарбий тиббиёт марказида Қозоғистон ва АҚШ мудофаа вазирликлари вакилларининг учрашуви бўлиб ўтди, деб хабар беради Kazinform Қозоғистон Республикаси Мудофаа вазирлиги матбуот хизматига таяниб.

Ўхшаш янгиликлар
Омикрон: АҚШ шифохоналарининг иш юкламаси ошди АҚШ ҳарбий шифокорлари коронавируснинг барча штаммларига қарши супервакцина яратмоқчи ҚР Сенати Қозоғистон ва АҚШ Ҳукуматлари ўртасида ҳаво қатнови тўғрисидаги битимни ратификация қилди

Томонлар тиббий хизмат мутахассисларини тайёрлашда рақамли технологиялардан фойдаланиш масалаларини муҳокама қилдилар.

Тадбирда икки мамлакат мудофаа вазирликлари мутахассислари, жумладан, Ҳарбий тиббиёт маркази, Радиоэлектроника ва алоқа ҳарбий муҳандислик институти ва Ахборотлаштириш кафедраси вакиллари иштирок этишди.

Америкалик мутахассислар ҳарбий тиббиёт маркази дарсларининг IT-ускуналари билан танишдилар. Амалий машғулотлар давомида қозоғистонлик шифокорлар жанг майдонида биринчи тиббий ёрдам кўрсатиш, ярадорларни пиёда жанговар транспорт воситасидан олиб чиқиб кетиш ва кейинчалик эвакуация қилиш билан ўз маҳоратларини намойиш этдилар.

АҚШ Миллий гвардияси кибер транспорт техникаси Эрик Жонс электрон шаклда соғлиқни сақлаш таълими мавзусида онлайн форматда нутқ сўзлади. У мавжуд ўқув платформалари ва дастурларидан фойдаланган ҳолда талабаларни масофадан ўқитишни ташкил этиш масалаларини батафсил очиб берди.

Ахборот алмашиш жараёнида марказнинг рақамли ускуналари, ахборот технологиялари соҳасидаги лойиҳаларни ишлаб чиқиш масалалари муҳокама қилинди.

Ахборот алмашинуви АҚШнинг Қозоғистондаги элчихонаси хавфсизлиги соҳасидаги ҳарбий ҳамкорлик идораси томонидан икки мамлакат мудофаа вазирликлари ўртасидаги ҳарбий ҳамкорлик режасига мувофиқ ташкил этилди.


Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив