Қозоғистон ва АҚШ энергия хавфсизлиги соҳасидаги ҳамкорликни муҳокама қилди

WASHINGTON. Kazinform – Қозоғистон Республикаси Президентининг халқаро ҳамкорлик бўйича махсус вакили Ержан Қазихан Вашингтонда миллий хавфсизлик бўйича маслаҳатчи Жейк Салливан билан учрашди, дея хабар беради Kazinform мухбири Оқ уй матбуот хизматига таяниб.

Учрашувда АҚШ ва Қозоғистон БМТ Низоми тамойилларини, жумладан, барча давлатларнинг суверенитети ва ҳудудий яхлитлигини қўллаб-қувватлашини тасдиқлади.

Шунингдек, томонлар икки давлат ўртасидаги стратегик шериклик ва энергия хавфсизлиги каби муҳим икки томонлама ва минтақавий масалалар бўйича ҳамкорликни муҳокама қилдилар. Америка томони АҚШ Президенти Қасим-Жомарт Тоқаевнинг Қозоғистонда давлат бошқаруви шаффофлиги ва ҳисобдорлигини оширишга қаратилган саъй-ҳаракатларини қўллаб-қувватлашини таъкидлади.

Эртага Қозоғистон ва Америка делегациялари вакиллари Инсон ҳуқуқлари ва демократик ислоҳотлар бўйича комиссиянинг иккинчи йиғилишини ўтказади.

Эслатиб ўтамиз, биринчи учрашув 2022 йил апрел ойида Астана шаҳрида бўлиб ўтган. Томонлар Қозоғистонда фуқаролик жамиятини ривожлантириш, диний эркинликлар, суд-ҳуқуқ тизимини мустаҳкамлаш ва сиёсий ислоҳотларга оид кенг кўламли масалаларни муҳокама қилдилар.