Қозоғистон университети Британия сифат белгисини олади

ASTANA. Кazinform - Бугун М.С. Нарикбаев номидаги КАЗГЮУ университети бошқаруви раиси Талғат Нарикбаев Буюк Британиянинг QАА аккредитация агентлиги халқаро ва профессионал хизматлар директори Эдуардо Рамос билан олий таълим соҳасида сифатни баҳолаш бўйича халқаро шартнома имзолади. Ушбу тадбир Лондонда Қозоғистон-Британия ҳукуматлараро комиссиясининг 9-мажлиси доирасида бўлиб ўтди, деб хабар беради Кazinform.

«QАА аккредитацияси Қозоғистон олий таълим муассасаларининг Британия сифат стандартларига мувофиқлигининг муҳим кўрсаткичидир», — деди Қозоғистон Республикаси Фан ва олий таълим вазири Саясат Нурбек.

Бунгача университет Европа мустақил FIBАА агентлигининг институционал аккредитациясини олган.

«Ушбу ҳамкорлик Британия (халқаро) сифат белгисини олиш учун асос бўлади», — деди Талғат Нарикбаев.

Буюк Британияга ташрифи доирасида КАЗГЮУ делегациясининг Оксфорд университети Ислом тадқиқотлари маркази раҳбарияти, Кембриж университети юридик факультети, таълим соҳасидаги ҳамкорлик тузилмаси (Cambridge Education Partnership) ва бошқа Британия таълим муассасалари раҳбарияти билан учрашувлар режалаштирилган.