Қозоғистон ультрабук ишлаб чиқармоқда

НУР-СУЛТОН. Kazinform - Петропавлдаги Киров заводида ультрабук ишлаб чиқарилмоқда, деб хабар беради Kazinform мухбири.

«Петропавлда ноутбук ишлаб чиқарилади. Киров номли завод жорий йил бошидан бери Хитой компанияси билан музокаралар олиб бориб, гаджет йиғишни бошлаган эди. Ёзда муҳандисларимиз осмон ости мамлакатига уларнинг тажрибасини ўрганиш учун борди, энди эса хорижий мутаҳассислар Петропавлга келишди. Икки томон бирлашиб, илк маротаба 50та синов тариқасидаги ультрабукни ишлаб чиқарди», - дея маълум қилди Шимолий Қозоғистон вилоятининг Муниципал телеканали Facebook саҳифасида .

Телеканалнинг хабар беришича, ультрабукнинг оғирлиги 1,3 кг. Гаджет ўқувчилар ва талабаларнинг фойдаланишига жуда қулай. Ультрабукга маҳаллий корхонанинг логотипи ўрнатилиб, ишлаб чиқарувчиси сифатида Киров номли заводнинг номи кўрсатилган.

Муаллиф: Марлан Жиембай