Қозоғистон-Туркманистон давлат чегарасида режим ўрнатилади

ASTANA. Kazinform – Мажилис «Қозоғистон Республикаси Ҳукумати ва Туркманистон Ҳукумати ўртасида Қозоғистон-Туркманистон давлат чегараси режими тўғрисидаги битимни ратификация қилиш тўғрисида»ги Қозоғистон Республикаси қонунини қабул қилди, деб хабар беради Kazinform мухбири.

Битим 2021 йил 25 октябрь куни Ашхобод шаҳрида мамлакатларнинг Бош вазирлари ўринбосарлари даражасида имзоланган.

Битимнинг асосий мақсади – ҳуқуқий асосларни белгилаш ва Қозоғистон Республикаси ва Туркманистон ўртасида давлат чегарасидаги муносабатларни тартибга солишдан иборат.

Битим Қозоғистон-Туркманистон давлат чегараси режимини ўрнатиш ва Қозоғистон Республикасининг миллий хавфсизлигини янада мустаҳкамлашни назарда тутади.

«Давлат чегараси режими чегарада амал қиладиган қоида билан қуйидаги тартибни ташкил этади. Биринчиси, давлат чегарасини сақлаш. Иккинчиси, давлат чегараси орқали одамлар, транспорт воситалари, юк ва бошқа мол-мулкларни ўтказиш. Учинчиси, давлат чегараси орқали парвозларни амалга ошириш. Тўртинчиси, давлат чегарасида, чегара зоналарида, шунингдек, чегара сувлари доирасида хўжалик ва бошқа хизматларни амалга ошириш. Бешинчиси – чегарадаги фавқулодда вазиятни бартараф этиш», – деди қонун лойиҳасини тақдим этган ҚР Миллий хавфсизлик қўмитаси раиси ўринбосари, Чегара хизмати директори Ерлан Алдажуманов.

Ерлан Алдажумановнинг сўзларига кўра, келишув муддатсиз ҳисобланади ва томонлардан бири дипломатик канал орқали бошқа томонни унинг амал қилишини тугатиш нияти ҳақида ёзма равишда хабардор қилгунига қадар амал қилади.

Муаллиф: Марлан Жиембай