Қозоғистон Туркиядаги табиий офат бўлган ҳудудда ижтимоий объект қуриб беришга тайёр

АNKARА. Кazinform – Қозоғистон Туркиядаги табиий офат бўлган ҳудудда ижтимоий объект қуриб беришга тайёр. Бу ҳақда Қозоғистон Республикаси Президенти Қасим-Жомарт Тоқаев Туркий давлатлар ташкилотининг «Табиий офатлар ва фавқулодда вазиятлар менежменти, гуманитар ёрдам» номли навбатдан ташқари саммитида маълум қилди, дея хабар беради Кazinform Ақордага таяниб.

«Биргалашиб кўтарган юк енгил», дейди халқимиз. Қардош Туркиямизни бундан кейин ҳам қўллаб-қувватлашга тайёрмиз. Шу муносабат билан айтишни истардимки, биз табиий офат бўлган ҳудудда ижтимоий объект қуриб беришга тайёрмиз. Ишончим комилки, бу бизнинг қардош турк халқига бўлган чинакам ҳурмат-эҳтиромимизнинг ифодаси бўлади», - деди Қосим-Жомарт Тоқаев.

Эслатиб ўтамиз, кеча тунда Қасим-Жомарт Тоқаев ТДТнинг навбатдан ташқари саммитида иштирок этиш учун Анқарага амалий ташриф билан борган эди. Бугун Давлат раҳбари Туркия Президент Режеп Таййип Эрдоған билан учрашди.