Қозоғистон ўтган йили уран савдосидан қанча даромад олди

ASTANА. Кazinform – ОАВ вакиллари иштирокида ўтказилган брифингда «Қазатомсаноат» АЖ бошқаруви раиси Ержан Муқанов компания ўтган йили уран савдосидан қанча даромад олганини айтди, деб хабар беради Кazinform мухбири.

«Ўтган йил якунларига кўра, компаниянинг жамланган даромади биринчи марта 1 триллион тенгени ташкил этди ва 2021 йилга нисбатан 45 фоизга ошди. Операцион фойда 456 миллиард тенгега етди ва 2021 йилга нисбатан 91 фоизга ошди. Бу маҳсулотнинг ўртача сотиш нархининг ошиши билан боғлиқ. Компаниянинг соф фойдаси эса 473 миллиард тенгени ташкил қилади. Бу ўтган йилги кўрсаткичдан 115 фоизга кўпдир», — деди Ержан Муқанов.

Бундан ташқари, у Туркистон вилоятида келгуси йилнинг ўрталарида олтингугурт заводи қурилиши бошланишини маълум қилди.

Фото: eenergy.media

Муаллиф: Алихан Асқар