Қозоғистон таэквондочилари Бокуда жаҳон чемпионатида иштирок этмоқда

BAKU. Кazinform – Озарбайжон пойтахти Боку шаҳрида таэквондо бўйича 26-жаҳон чемпионати бўлиб ўтяпти, дея хабар беради Kazinform мухбири.

Қозоғистон терма жамоаси сафида Самирхон Абабакиров (58 кг), Нурай Қусайнова (67 кг) ва Жансел Дениз (73 кг) медаллар учун кураш олиб борди.

Жансел Дениз Грециянинг энг юқори вазн тоифасидаги терма жамоаси етакчиси Анастасия Делидимитрис ва испаниялик Белен Моран Ромеро устидан соф ғалаба қозониб, чорак финалга йўл олди. Бу босқичда у Полина Хонга (Россия) имкониятни бой бериб, жаҳон чемпионати медалига бир қадам қолганда тўхтади.

Самирхон Абабакиров эса жазоирлик Саиф Меджахед ва америкалик Уильям Каннингемлардан устунлик қилди. Афсуски, у 3-раундда ушбу вазнда жаҳон рейтинги етакчиси, Токиодаги Олимпиада ўйинлари финалчиси тунислик Муҳаммад Халил Джендубийни мағлуб эта олмади.

Нурай Қусаинова португалиялик Мафальда Коэло ва чехиялик Ивета Жиранковани енгиб, мусобақани ишончли бошлади. Шундан сўнг, афсуски, у 2019 йилги жаҳон чемпионати бронза медали совриндори, ёшлар ўртасидаги жаҳон чемпиони франциялик Магда Виет-Эненга имкониятни бой берди.

Чоршанба куни Қозоғистондан даянгда Нурлан Мирзабаев (80 кг), Смаил Дуйсебай (87 кг) ва Бўтакоз Қапанова (49) куч синашади.

Бу йилги жаҳон чемпионатида 145 давлатдан мингга яқин таэквондочи йиғилди.