Валюталар курси:
    usd/kzt 478.01 eur/kzt 488.81

    rub/kzt 7.91 cny/kzt 70.76
Об-ҳаво маълумотлари:
Нур-Султон : 1 °С
Алматы: 15 °С

Қозоғистон сув полоси бўйича жаҳон чемпионатида плей-офф босқичига чиқди

25 Июнь 09:12

NUR-SULTAN. Kazinform – Сув полоси бўйича жаҳон чемпионатида Қозоғистон аёллар терма жамоаси плей-офф йўлланмасини қўлга киритди, деб хабар беради Kazinform мухбири.

Мусобақа Венгрия пойтахти Будапешт шаҳрида бўлиб ўтаётган сув спорти бўйича жаҳон чемпионати доирасида ўтказилади. Қозоғистон аёллар терма жамоаси D гуруҳида Австралия, Янги Зеландия ва Бразилия терма жамоалари билан куч синашди.

Қозоғистонлик ватерполчилар Австралияга 6:19, Янги Зеландияга 11:15 ҳисобида имкониятни бой беришди. Бразилияни эса 10:6 ҳисобида мағлуб этди.

Улар ўз гуруҳида учинчи ўринни эгаллаб, плей-оффга йўл олишди.

Энди Қозоғистон 26 июн куни плей-офф босқичида Грецияга қарши баҳс олиб боради.

Жаҳон чемпионати 2 июл куни якунланади. Миллий терма жамоа бунгача 10 марта жаҳон чемпионатида иштирок этган.

Муаллиф: Адилжан Умбет

Новости по теме
Ўхшаш янгиликлар