Қозоғистон «Спутник лайт» вакцинасини ишлаб чиқаришни бошлайди

None
None
NUR-SULTAN. Kazinform – Қарағанди фармацевтика мажмуаси бир компонентли «Спутник лайт» вакцинасини ишлаб чиқаришни йўлга қўяди, дея хабар беради Kazinform мухбири.

Эслатиб ўтамиз, Россиянинг Гамалей илмий-тадқиқот институти томонидан ревакцинация учун ишлаб чиқарилган препарат ўтган йил ўрталарида Қозоғистонда рўйхатга олинган эди. Унинг тасдиқланган самарадорлиги эмлашдан кейин 28 кундан бошлаб 79,4% ни ташкил қилади.

Вакцинанинг валидация партияси Қарағанди фармацевтика мажмуасида ишлаб чиқарилган ва сифат назорати учун Россияга юборилган.

Қарағанди фармацевтика мажмуаси аллақачон қозоғистонликларни коронавирус инфекциясига қарши эмлаш учун «Спутник V» вакцинасини ишлаб чиқаришни йўлга қўйган.

2021 йил феврал ойидан буён 7 миллион доза вакцина ишлаб чиқарилган.

Эндиликда аҳолини ревакцинация учун бир компонентли «Спутник лайт» препаратини ишлаб чиқаришни йўлга қўймоқчи.


Сўнгги хабарлар