Қозоғистон Швейцарияга 40 турдаги маҳсулотларни етказиб бериши мумкин

NUR-SULTAN. Kazinform – ҚР Савдо ва интеграция вазири Бахит Султанов брифингда савдо ва экспорт кўрсаткичлари мамлакат иқтисодиётига қандай таъсир қилишини маълум қилди, деб хабар беради Kazinform вазирлик матбуот хизматига таяниб.

«Биз ишлаб чиқариш имкониятларимизни ва жаҳон савдо бозорини таҳлил қилдик. Биз умумий қиймати 13,4 миллиард доллардан ошадиган экспортни кўпайтириш учун 16 энг истиқболли соҳани аниқладик», - дея тушунтирди Бахит Султанов.

Унинг қўшимча қилишича, ҳар бир мамлакатда ўз товарлари рўйхати мавжуд: «Масалан, мен фақат бир кун олдин Женевада Қозоғистон Швейцария бозорига қўшимча равишда етказиб бера оладиган 275 миллион долларлик 40 та маҳсулот рўйхатини тақдим этдим. Булар нефть-кимё, озиқ-овқат саноати, машинасозлик, металлургия ва қурилиш маҳсулотлари», - деди вазир.