Қозоғистон шу ой Германияга яна 20 минг тонна нефть етказиб бермоқчи

ASTANA. Kazinform – «ҚазТрансОйл» аксиядорлик компанияси март ойида Германияга навбатдаги 20 минг тонна нефть транзитини амалга оширишни режалаштирмоқда, дея хабар бермоқда Kazinform мазкур компания матбуот хизматига таяниб.

«Қозоғистон Республикаси Энергетика вазирлиги томонидан тасдиқланган нефтьни ташиш графигига кўра, «ҚазТрансОйл» АЖ март ойида «Транснефть» ёпиқ акциядорлик жамиятининг магистраль нефть қувурлари тизимидаги «Адамова застава» нефть етказиб бериш пункти орқали Германияга 20 минг тонна нефтьни ташишни режалаштирмоқда. Бу ҳақда жамоатчиликка «ҚазТрансОйл» АЖ Алоқа ва ички коммуникациялар департаменти директори Ш. Илиясов маълум қилди.

Бундан ташқари, мазкур компания жорий йилнинг биринчи чорагида «Адамова Застава» нефть етказиб бериш пункти орқали Германияга 300 минг тонна нефтьни ташишнинг техник имкониятини тасдиқлайди. Бироқ, унинг ҳақиқий ҳажми нефть компаниялари талабига боғлиқ бўлади.

Хабарда, шунингдек, февраль ойида Қозоғистондан Германияга 20 минг тонна нефтьнинг биринчи партияси етказиб берилгани таъкидланган.

Аввалроқ, энергетика вазири Болат Ақшолаков нефтьнинг биринчи партияси февраль ойи охиригача Германияга жўнатилишини маълум қилган эди.