Қозоғистон Сенатида Конституциявий қонунлар лойиҳалари кўриб чиқилади

ASTANA. Kazinform – ҚР Парламенти Сенати Бюроси 3 ноябр куни бўлиб ўтадиган палата мажлиси кун тартибини тасдиқлади, деб хабар беради Kazinform.

Агентлик хабарига кўра, пайшанба куни сенаторлар Давлат раҳбари топшириқлари ижросини таъминлашга қаратилган бир қатор қонун лойиҳаларини кўриб чиқадилар.

Хусусан, «Қозоғистон Республикаси Конституциявий суди тўғрисида», «Прокуратура тўғрисида», «Қозоғистон Республикасида Инсон ҳуқуқлари бўйича вакил тўғрисида»ги ва «Қозоғистон Республикасининг айрим конституциявий қонунларига Давлат раҳбарининг 2022 йил 16 мартдаги Мурожаатномаси ижросини таъминлаш бўйича ўзгартиш ва қўшимчалар киритиш тўғрисида»ги Қозоғистон Республикаси қонуни лойиҳалари Сенат мажлиси кун тартибига киритилди.

Бундан ташқари, Бюро мажлисида Мажлисга келиб тушган қонун лойиҳалари Сенатнинг доимий қўмиталарига тақсимланди.