Қозоғистон Саха юрти билан савдо алоқаларини ривожлантиришдан манфаатдор – Қасим-Жомарт Тоқаев

ASTANA. Kazinform - Президент Қасим-Жомарт Тоқаев Саха (Якутия) Республикаси раҳбари Айсен Николаевни қабул қилди, дея хабар бермоқда Kazinform Ақорда расмий сайтига таяниб.

Учрашувда Қозоғистон ва Саха Республикаси ҳудудлари ўртасида савдо-иқтисодий, илмий, маданий-гуманитар, шунингдек, рақамлаштириш соҳаларида ўзаро манфаатли ҳамкорликни ривожлантириш истиқболлари муҳокама қилинди.

Давлат раҳбари фаол ҳудудлараро ҳамкорлик ўзаро савдо кўрсаткичларига ижобий таъсир кўрсатганини таъкидлади. Президентнинг қайд этишича, ҳудудлараро товар айирбошлаш ҳажми сезиларли даражада ошди. Қозоғистон савдо алоқаларини янада чуқурлаштиришдан манфаатдор.

Қасим-Жомарт Тоқаев Қозоғистон ва Саха Республикасини чуқур тарихий ва маданий-гуманитар алоқалар боғлаб туришини таъкидлаб, ҳамкорликни кенгайтиришга алоҳида эътибор қаратишини таъкидлади.

Учрашувда Айсен Николаев Саха мамлакати Қозоғистон компаниялари билан саноат маҳсулотлари, минерал ресурслар ва заргарлик буюмлари соҳаларида савдо қилишга тайёрлигини билдирди. Бундан ташқари, Якутия рақамли технологиялар, ижодий индустрия ва кинематография йўналишида алоқалар ўрнатиш ниятида.

Фото: akorda.kz