+7 (701) 759 90 19
USD 431.07 EUR 485.51
RUB 5.69 CNY 67.47
Янгиликлар

Қозоғистон Республикаси Бош вазири ўринбосари илм-фанни ривожлантириш масалаларига бағишланган йиғилиш ўтказди

26 Октябрь 08:59
Баҳам кўринг:
Қозоғистон Республикаси Бош вазири ўринбосари илм-фанни ривожлантириш масалаларига бағишланган йиғилиш ўтказди

NUR-SULTAN. Kazinform - Қозоғистон Бош вазири ўринбосари Ерали Тоғжанов давлат идоралари, илмий ташкилотлар ва етакчи олимлар иштирокида илм-фанни ривожлантириш масалаларига бағишланган йиғилиш ўтказди.

Ўхшаш янгиликлар
Қозоғистонда 2022 йилда шифокорлар маошини ошириш учун 361 миллиард тенге ажратилади Қозоғистонлик олимлар тиббий чиқиндиларни утилизация қилишнинг ўзига хос усулини ишлаб чиқди ҚР Бош вазири: Ревакцинация учун етарлича вакциналар мавжуд

Бош вазир ўринбосари илм-фаннинг бугунги аҳволини танқид остига олиб, илмий-тадқиқот ишлари самарадорлиги пастлиги, уларнинг иқтисодиёт ривожига таъсири сустлиги, илм-фаннинг ишлаб чиқариш билан тўғри ўзаро алоқаси йўқлиги, илмий-тадқиқот ва ишланмалар улуши пастлигини таъкидлади.

Е. Тоғжанов илм-фанни молиялаштириш тизими, миллий илмий кенгашлар фаолияти, илмий-техник экспертиза учун мутахассисларни танлаш жараёнларидаги камчиликларни ҳам қайд этди.


Бош вазир ўринбосари илмий тадқиқотлар самарадорлигини ошириш, уларнинг фан эҳтиёжлари ва тармоқлар ривожига таъсирини кучайтириш, илм-фанни ривожлантиришнинг устувор йўналишларини тўғри белгилаш муҳимлигини таъкидлади.

Бош вазир ўринбосари илмий кадрларни мустаҳкамлаш, жумладан, хорижда фаолият юритаётган қозоғистонлик олимларни жалб этиш орқали аниқ чора-тадбирлар ишлаб чиқиш зарурлигини таъкидлади.

Давлат раҳбарининг Қозоғистон халқига Мурожаатномасида илм-фан соҳасини молиялаштириш жараёнини такомиллаштириш ва илм-фаннинг мамлакат ривожига қўшган ҳиссаси бўйича белгиланган вазифалар ижросига алоҳида эътибор қаратиш зарур.

Е. Тоғжанов мамлакат илмий салоҳиятини ривожлантириш бўйича ишчи гуруҳ ташкил этиш, аниқ чора-тадбирлар режасини ишлаб чиқиш, фанни ривожлантириш концепцияси лойиҳасини киритиш, шунингдек, фанга оид қонун ҳужжатларига ўзгартишлар киритиш бўйича ишларни жадаллаштириш бўйича топшириқлар берди.

Бош вазир ўринбосари илмий муассасалар ва олимларнинг таклифларини тинглаб, кадрлар масаласини ҳал этиш, ёш олимларни қўллаб-қувватлаш, илмий лойиҳаларга бизнес маблағларини жалб этиш, аниқ иқтисодий ва ижтимоий вазифаларни ҳал этиш бўйича комплекс тадқиқотлар олиб боришга алоҳида эътибор қаратиш зарурлигини таъкидлади.



#Фан   #Илм  
Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар

Архив