Қозоғистон Республикаси Бош вазири CNPC вице-президенти билан учрашди

ASTANA. Kazinform – ҚР Бош вазири Алихан Смаилов ва CNPC вице-президенти Хуан Юнчжан энергетика соҳасида янги инвестиция лойиҳаларини амалга оширишни муҳокама қилди, дея хабар беради Kazinform primeminister.kzга таяниб.

Бош вазир CNPC энергетика соҳасидаги муҳим стратегик шериклардан бири бўлган Қозоғистонда 25 йилдан ортиқ вақтдан бери муваффақиятли фаолият юритаётганини таъкидлади.

«Биргаликда олиб борилган ишлар давомида биз нефть-газ саноатининг барча тармоқларида йирик лойиҳаларни амалга оширишда ишончли шериклик муносабатларини ривожлантирдик. Қозоғистон Ҳукумати стратегик ҳамкорлигимизни чуқурлаштиришга қатъий қарор қилди», - деди Алихан Смаилов.

Ўз навбатида, Хуан Юнчжан аввалроқ бир қатор қўшма лойиҳалар муваффақиятли амалга оширилгани, уларнинг аксарияти ўзаро манфаатли ҳамкорлик намунаси сифатида қаралаётганини таъкидлаб, компания Қозоғистон Республикасидаги фаолиятини кенгайтиришдан манфаатдор эканини таъкидлади.

«Хитой ва Қозоғистон яхши қўшнилар. CNPC мамлакатларимиз ўртасидаги икки томонлама муносабатларни янада мустаҳкамлашга ҳисса қўшишга тайёр», - деди Хуан Юнчжан. Учрашув давомида томонлар нефт экспорти, Қозоғистондаги CNPC ходимларининг меҳнат шароитларини яхшилаш ва бошқа бир қатор долзарб масалаларни ҳам муҳокама қилдилар.

Фото: primeminister.kz