Қозоғистон радиосининг биринчи эшиттириши 100 йилга тўлди
08:53, 01 Октябр 2021
NUR-SULTAN. Kazinform – 1921 йили Оренбург шаҳридан биринчи Қозоғистон радиоси эфирга узатилди, деб хабар беради Kazinform.
1926 йил 3 октябрдан бошлаб Қизилўрда шаҳрида Қозоғистон радиоси мунтазам эшиттиришни давом эттирди. Алмати радиостанцияси 1931 йил 1 майда очилган. 30-чи йиллари Қозоқ радиосининг ривожланиш йиллари бўлди. Радиожурналистика ташкил этилди ва радио оммавий ахборот воситаларидан бири сифатида мустаҳкамланди. Ҳозирги вақтда 4 та (Qazaq radiosy, Shalqar, Astana, Classic) радиоларни ўз ичига олган QAZAQ RADIOLARY компанияси Қозоғистон чўллари бўйлаб маълумот тарқатади.