13:30, 13 Январ 2020 | GMT +6
Қозоғистон Президенти Уммоннинг янги Султонини табриклади
NUR-SULTAN. Kazinform – ҚР Президенти Қасим-Жомарт Тоқаев Уммоннинг янги тайинланган Султони Хайсам бен Тариқ ал-Саидни Қозоғистон халқи ва ўз номидан табриклаб, телеграмма жўнатди, деб хабар беради Kazinform Ақорда матбуот хизматига ҳавола қилиб.
Давлатимиз раҳбари Уммон Султонлиги иқтисодиёти катта суръатлар билан ривожланиб, халқининг фаровонлиги ортиб келаётган мамлакат эканлигини таъкидлаб, Хайсам бен Тариқ ал-Саид раҳбарлигида Уммон янада тараққий этишига ишонч билдирди.
«Икки мамлакат ўртасидаги дўтслик ва ўзаро қўллаб-қувватлашга асосланган ҳаморликни келажакда халқларимиз фаровонлиги йўлида янада ривожлантириш мақсадида Сиз билан биргаликда ҳаракат қилишга тайёрман. Сизнинг ўта масъулиятли фаолиятингиз ва барча эзгу ташаббусларингизга катта муваффақиятлар, дўст Уммон халқига эса қут-барака тилайман», – дейилган телеграммада.
Эслатиб ўтамиз, 11 январь куни Хайсам бен Тариқ ал-Саид Уммоннинг янги раҳбари бўлди. Аввалги Султон Қабус бен Саид ал-Саид 79 ёшида вафот этганди.