Қозоғистон Президенти Осиё тараққиёт банки раҳбарини қабул қилди
Видеоконференция давомида Қозоғистон ва Осиё тараққиёт банки ўртасидаги ҳамкорлик истиқболлари муҳокама қилинди.
Қасим-Жомарт Тоқаев Масацугу Aсакавани Молия институти бошлиғи етиб сайлангани билан табриклади ва Осиё тараққиёт банкининг Қозоғистоннинг ижтимоий-иқтисодий ривожланишига қўшган ҳиссасини юқори баҳолади.
- 27 йиллик ҳамкорлик давомида Осиё тараққиёт банки Қозоғистон иқтисодиётига 6 миллиард долларга яқин сармоя киритди. Бу маблағ жуда муҳим ва бу бизнинг ҳамкорлигимиз муваффақиятли ривожланганлигидан далолат беради. Биз ҳамкорликни қадрлаймиз ва узоқ муддатли ва ўзаро манфаатли муносабатларни сақлаб қолиш ниятидамиз, - деди Президент.
Учрашувда, шунингдек, Қозоғистон ва Осиё тараққиёт банки ўртасида 2022-2026 йилларга мўлжалланган янги Ҳамкорлик стратегиясини ишлаб чиқиш масаласи муҳокама қилинди.
- Ишончим комилки, Осиё тараққиёт банкининг Қозоғистон бўйича янги Стратегиясида миллий устуворликларимиз ва режаларимиз, шунингдек, бошқарувнинг янги модели, иқтисодиётни диверсификация қилиш ва яшил иқтисодий ўсиш, мувозанатли ҳудудий ривожланиш, савдо -иқтисодий ҳамкорлик, рақамлаштириш тўлиқ ҳисобга олинади, - деди Қасим -Жомарт Тоқаев.
Қозоғистон Президенти Осиё тараққиёт банки раҳбарига ялпи ички маҳсулотнинг ўсиши, инфляцияга қарши чоралар, транспорт-логистика инфратузилмасини ривожлантириш, кичик ва ўрта бизнесни қўллаб-қувватлаш ҳақида гапирди.
Ўз навбатида, Масацугу Aсакава Қозоғистонда пандемияга қарши кўрилган чораларни юқори баҳолади.
- Мен сизнинг CОVID-19 эпидемиясига қарши ҳаракатларингиздан хабардорман. Сизнинг Ҳукуматларингиз вирус тарқалишини олдини олиш учун чора кўрмоқда ва аниқ чоралар кўрмоқда. Биз иқтисодиёт ва аҳоли фаровонлигига салбий таъсир кўрсатган пандемия оқибатларини юмшатиш мақсадида ялпи ички маҳсулотга нисбатан 9,5 фоиз миқдорида инқирозга қарши чоралар комплексини қабул қилишни қўллаб -қувватлаймиз, - деди Осиё Тараққиёт банки раҳбари.