+7 (701) 759 90 19
USD 424.99 EUR 504.21
RUB 5.81 CNY 65.66
Янгиликлар

Қозоғистон Президенти Қатар давлатининг амири билан телефон орқали сўзлашди

6 Май 10:33
Баҳам кўринг:
Қозоғистон Президенти Қатар давлатининг амири билан телефон орқали сўзлашди

NUR-SULTAN. Kazinform – Қозоғистон Президенти Қасим-Жомарт Тоқаев Қатар давлатининг амири шайх Тамим бин Хамад Ал Тани билан телефон орқали мулоқот қилди, деб хабар беради Kazinform Ақордага асосланиб.

Ўхшаш янгиликлар
Қозоғистон Президенти Кўкшетау шаҳрига иш сафари билан келди Қозоғистон Президенти Россиянинг Астрахан вилояти губернаторини қабул қилди Қозоғистон Президентининг ҳафталик фаолияти видео шарҳи

Давлат раҳбарлари бир-бирларини муборак Рамазон ойи билан табриклаб, Қозоғистон ва Қатар халқларига фаровонлик тиладилар. Томонлар икки томонлама муносабатларни ривожлантириш истиқболларини батафсил муҳокама қилдилар ва кўп томонлама ҳамкорликни кенгайтиришга содиқ эканликларини тасдиқладилар.

Қасим-Жомарт Тоқаев ва шайх Тамим бин Хамад Ал Тани Қозоғистон-Қатар ҳамкорлиги янги мазмун қўшиш учун зарур ресурсларга ва катта салоҳиятга эга эканлигини таъкидладилар.

Қозоғистон Президенти икки мамлакат ҳукуматлари ва ишбилармон доиралари ўртасидаги муносабатларни фаоллаштиришни ва қўшма инвестиция лойиҳаларининг алоҳида рўйхатини тузишни таклиф қилди. Давлат раҳбари икки томонлама ҳамкорликнинг устувор йўналишлари қишлоқ хўжалиги, геологик қидирув, кончилик, транспорт ва логистика, шунингдек молия ва банк секторидир.

Қасим-Жомарт Тоқаев икки мамлакат ўртасида ҳамкорликнинг аниқ йўналишлари бўйича юқори даражадаги келишувларни аниқлаштириш учун Қатар амирини қулай вақтда Қозоғистонга расмий ташриф билан келишга таклиф қилди.

Шайх Тамим Ал Тани Доҳанинг Қозоғистон билан кўп томонлама иқтисодий ва сармоявий ҳамкорликни ривожлантиришга қизиқишини билдирди. Қатар амирининг сўзларига кўра, икки томонлама муносабатларнинг ҳаракатлантирувчи кучи бўладиган бир нечта йирик сармоявий лойиҳаларни тайёрлаш керак.

Музокаралар давомида томонлар икки мамлакат ҳукуматлари томонидан COVID-19 тарқалишига қарши курашиш бўйича кўрилган чораларни муҳокама қилдилар. Қатар амири Қозоғистонлик олимларнинг COVID-19га қарши вакциналарни ишлаб чиқишда эришган ютуқларини юқори баҳолади ва бу Қозоғистонга ўз вакциналарини ишлаб чиққан ўнта давлат ва илмий ривожланишини рўйхатдан ўтказган бешта мамлакат қаторига киришга имкон берганлигини таъкидлади.

Суҳбат сўнгида шайх Тамим Ал Тани Қасим-Жомарт Тоқаевга Қозоғистонга ташриф буюриш ҳақидаги таклифи учун миннатдорчилик билдирди.


Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар

Архив