Қозоғистон Президенти Европа Иттифоқи делегациясини қабул қилди

NUR-SULTAN. Kazinform – Қасим-Жомарт Тоқаев Европа Иттифоқининг Инсон ҳуқуқлари бўйича махсус вакили Имон Гилмор ва Европа Иттифоқининг Марказий Осиё бўйича махсус вакили Тери Ҳакалани қабул қилди, дея хабар беради Kazinform Ақордага асосланиб.

Учрашувда Қозоғистон ва Европа Иттифоқи ўртасидаги кенгайтирилган шериклик ва ҳамкорлик доирасидаги ўзаро муносабатлар ҳолати ва истиқболлари муҳокама қилинди. Шунингдек, минтақавий хавфсизлик масалалари кўриб чиқилди.

Давлат раҳбари Европа Иттифоқи делегациясига Қозоғистонда олиб борилаётган сиёсий ва иқтисодий ислоҳотлар, шунингдек, Афғонистонга гуманитар ёрдам кўрсатиш чоралари ҳақида маълумот берди.

Имон Гилмор Қозоғистон ва Европа Иттифоқи ўртасидаги сиёсий, савдо-иқтисодий ҳамкорлик даражасини юқори баҳолаб, ҳамкорликни янада чуқурлаштириш учун алоқаларни сақлаб туриш ўз вақтида ва муҳимлигини таъкидлади.

Европа Иттифоқининг инсон ҳуқуқлари бўйича махсус вакили Қозоғистон Президентининг Брюсселга бўлажак ташрифи икки томонлама муносабатларни ривожлантиришда муҳим босқич бўлади, деган фикрни билдирди.

Европа Иттифоқи делегацияси Қасим-Жомарт Тоқаевнинг БМТнинг Афғонистондаги ёрдам миссиясини Алматида жойлаштириш ва афғонистонлик талабаларга ёрдам бериш ҳақидаги қарорини қайд этиб, Афғонистондаги вазиятни барқарорлаштиришда Қозоғистон Президенти раҳбарлигини қўллаб-қувватлади.

Имон Гилмор ва Тери Ҳакала Президентга Алматида очиладиган «Марказий Осиё - Европа Иттифоқи» фуқаролик форумида Брюссель вакили бўлишларини маълум қилишди.